Parish News

06 ಮಾರ್ಚ್, 2022 ಆಯ್ತಾರಾ ಸಕಾಳಿಂಚ್ಯಾ ಮಿಸಾ ವೆಳಾರ್ 2021-22 ವ್ಯಾ ವರ್ಸಾಚೊ ದೊತೊರ್ನಿಚೊ ದೀಸ್ ಆಚರಣ್ ಕೆಲೊ. ಮಿಸಾಚಿ ಲಿತುರ್ಜಿ ಭುರ್ಗ್ಯಾಂನಿ ಭೋವ್ ಬರ್ಯಾ ರಿತಿನ್ ಚಲವ್ನ್ ವೆಲಿ. ಪ್ರಧಾನ್ ಯಾಜಾಕ್ ಜಾವ್ನ್ ಮಾ|ಬಾ| ಜೋಸೆಫ್ ಸಿರಿಲ್ ಡಿ’ಸೋಜಾ, ಕಾರ್ಮೆಲಿತ್ ಯಾಜಕ್, ತಶೆಂಚ್ಚ್ ‘ನಮಾನ್ ಬಾಳೊಕ್ ಜೆಜು’ ಮಹಿನ್ಯಾಳ್ಯಾ ಪತ್ರಾಚೊ ಸಂಪಾದಕ್ ಹಾಜಾರ್ ಆಸ್‍ಲ್ಲೆ.

ಮಿಸಾ ಉಪ್ರಾಂತ್ ಆದ್ಲ್ಯಾ ಆಯ್ತಾರಾ ಜಾಲ್ಲ್ಯಾ ಪರಿಕ್ಷೆಂತ್ ಚಡ್ ಅಂಕ್ ಜೊಡ್‍ಲ್ಲ್ಯಾ ಭುರ್ಗ್ಯಾಂಕ್ ತಶೆಂಚ್ ಸದಾಂ ಮಿಸಾಕ್ ಯೆಂವ್ಚ್ಯಾ ಭುರ್ಗ್ಯಾಂಕ್, ಇನಾಮಾಂ ದೀವ್ನ್ ಅಭಿನಂದನ್ ಪಾಠಯ್ಲೆಂ. ಆಮ್ಚ್ಯಾ ಫಿರ್ಗಜೆಂತ್ ಆದಿಂ ವಸ್ತಿ ಕರ್ನ್ ಆಸ್ಲಲೆ, ಆತಾಂ ಬೆಂದುರ್ ಫಿರ್ಗಜೆಂತ್ ವಸ್ತಿ ಕರ್ನ್ ಆಸ್ಚೆ ಮಾನೆಸ್ತ್ ಜೋನ್ ಮೆಂಡಿಸ್ ಹ್ಯಾ ದಿಸಾ ದಿಲ್ಲ್ಯಾ ಸರ್ವ್ ಇನಾಮಾಂಚೆ ಪ್ರಾಯೋಜಕ್ ಜಾವ್ನಾಸೊನ್ ತೆ ಹ್ಯಾ ಕಾರ್ಯಾಕ್ ಹಾಜರ್ ಆಸ್ ಲ್ಲೆ. ತಾಂಚಾ ಉದಾರ್ ಮನಾಕ್ ಫಿರ್ಗಜೆ ಥಾವ್ನ್ ತಾಂಕಾ ಮಾನ್ ಕೆಲೊ.

ಅಖೇರಿಕ್ ವಿಗಾರ್ ಬಾಪಾನಿಂ ಸಗ್ಳ್ಯಾ ವರ್ಸಾ ದೊತೊರ್ನ್ ಶಿಕಯಿಲ್ಲ್ಯಾ ಶಿಕ್ಷಕಾಂಚೊ ಉಪ್ಕಾರ್ ಬಾವುಡ್ಲೊ.

ಮೀಸ್ ಜಾಲ್ಲೆಂಚ್ಚ್ ಭುರ್ಗ್ಯಾಂಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಕೆಲ್ಲಿ.