Parish News

ವರ್ಧಿ: ಸುನಿಲ್ ಮಿರಾಂದ

ಆಮ್ಚ್ಯಾ ಫಿರ್ಗಜೆಂತ್ ಸಪ್ತೆಂಬರ್ 08, 2024ವೆರ್ ಮೊಂತಿ ಫೆಸ್ತ್ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ಇಗರ್ಜೆಚ್ಯಾ ಗ್ರೊಟ್ಯ್ಯಾ ಲಾಗಿಂ ನವಿ ಕಣ್ಸಿ ಬೆಂಜಾರ್ ಕರುನ್ ಉಪ್ರಾಂತ್ ಸರ್ವ್ ಭುರ್ಗ್ಯಾನಿಂ ಆನಿ ಫಿರ್ಗಜ್ಗಾರಾನಿಂ ಬಾಳಕ್ ಮರಿಯೆಕ್ ಫುಲಾಂ ಅರ್ಪಿಲಿಂ. ಭೋವ್ ಶಿಸ್ತೆನ್ ಇಗರ್ಜೆಕ್ ಪುರ್ಶಾಂವ್ ಕಾಡ್ಲೊ. ರಿದೆಂಪ್ತೊರಿಸ್ತ್ ಮಾ. ಬಾ. ಡೊನಿ ಕರ್ಡೋಜಾ ಹಾಣಿಂ ಪ್ರಧಾನ್ ಯಾಜಕ್ ಜಾವ್ನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಪ್ರಕಾಶ್ ಡಿ'ಸೋಜ ಹಾಣಿಂ ಸಹ ಭೆಟವ್ಣಿ ಕೆಲಿ. ಸರ್ವ್ ಲೊಕಾನ್ ಭೋವ್ ಭಕ್ತಿನ್ ವಾಂಟೊ ಘೆತ್ಲೊ. ಮಿಸಾ ಉಪ್ರಾಂತ್ ವಿಗಾರ್ ಬಾಪಾನಿಂ ಫೆಸ್ತ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವ್ ಫಿರ್ಗಜ್ಗಾರಾಂಚೊ ಉಪ್ಕಾರ್ ಬಾವುಡ್ಲೊ. ಮಿಸಾ ಉಪ್ರಾಂತ್ ಸರ್ವಾನಿಂ ವೊರ್ನಾ ಸವೆಂ ನವೆಂ ಸೆವ್ಲೆಂ. ಸರ್ವಾಂಕ್ ಕೊಬು ವಾಂಟ್ಲೆ.