Parish News

ಆಮ್ಚ್ಯಾ ಫಿರ್ಗಜೆಂತ್ ಫೆಬ್ರುವರಿ 27, 2022 ವೆರ್ ಆಯ್ತಾರಾ ಸಕಾಳಿಂ 7.45 ಚ್ಯಾ ಮೀಸಾ ವೆಳಾರ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕೆಲೊ. ತ್ಯಾ ಮೀಸಾಚಿ ಲಿತುರ್ಜಿ ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಚಲವ್ನ್ ವೆಲಿ. ವಿಗಾರ್ ಮಾ|‌ರೊನಾಲ್ಡ್ ಡಿ'ಸೋಜಾ ಬಾಪಾನಿಂ ಮಿಸಾಚೆ ಬಲಿದಾನ್ ಭೆಟಯ್ಲೆಂ ಆನಿ ಸ್ತ್ರೀಯಾಂಚ್ಯಾ ಹಕ್ಕಾಂ ಆನಿ ಸಮಾನತೆ ವಿಶ್ಯಾಂತ್, ತಶೆಂಚ್ ಸಮಾಜೆಂತ್ ಸ್ತ್ರೀಯಾಂನಿ ದಿಂವ್ಚ್ಯಾ ಸೆವೆ ವಿಶ್ಯಾಂತ್ ತಾಂಣಿಂ ಸಂದೇಶ್ ದಿಲೊ. ಸರ್ವ್ ಸ್ತ್ರೀ ಸಂಘಟನಾಚ್ಯಾ ಸಾಂದ್ಯಾನಿಂ ಪವಿತ್ರ್ ಮೀಸಾಚ್ಯಾ ಬಲಿದಾನಾಂತ್ ಕ್ರಿಯಾತ್ಮಕ್ ರಿತಿನ್ ವಾಂಟೊ ಘೆತ್ಲೊ. ತಶೆಂಚ್ ವಾರಾಡ್ಯಾಂತ್ ಸ್ತ್ರೀಮಂಡಳಿನ್ ಚಲೊವ್ನ್ ವೆಲ್ಯಾ ಉಜಾವಿಣೆಂ ರಾಂದಾಪ್ ಸ್ಪರ್ಧ್ಯಾಂತ್ ಆಮಿ ಭಾಗ್ ಘೆವ್ನ್ ಪಯ್ಲೆಂ ಸ್ಥಾನ್ ಆಪ್ಣಾಯ್ಲೆಂ.