ಐ.ಸಿ.ವೈ.ಎಂ. ರುಬಿ ಜುಬಿಲಿ ರಿ-ಯುನಿಯನ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ

ಐ.ಸಿ.ವೈ.ಎಂ. ರುಬಿ ಜುಬಿಲಿ ಸಂದರ್ಭಾರ್ ಮಾಂಡುನ್ ಹಾಡ್ಲೆಲೆಂ ರುಬಿ ಜುಬಿಲಿ ರಿ-ಯುನಿಯನ್ ಕಾರ್ಯೆಂ ದೆಸೆಂಬ್ರ್ 25, 2023 ವೆರ್ ಸಕಾಳಿಂ 10 ವರಾಂ ಜಾವ್ನ್ ದೊನ್ಪಾರಾಂ ಮ್ಹಣಾಸರ್ ಭೋವ್ ಯಶಸ್ವೆನ್ ಸಂಪ್ಲೆಂ. ಹ್ಯಾ ಕಾರ್ಯಾಕ್ ಪಾಟ್ಲ್ಯಾ 40 ವರ್ಸಾನಿಂ ಸಿ.ವೈ.ಎ., ತಶೆಂಚ್ಚ್ ಐ.ಸಿ.ವೈ.ಎಂ. ಸಂಘಟನಾಂತ್ ಸೆವಾ ದಿಲ್ಲೆ ಅಧ್ಯಕ್ಷ್, ಕಾರ್ಯದರ್ಶಿ, ವಿವಿದ್ ಹುದ್ದೆದಾರ್ ಆನಿ ಸಾಂದೆ ಹಜಾರ್ ಆಸ್ ಲ್ಲೆ.

ಆದ್ಲೊ ಸಾಂದೊ ತಶೆಂಚ್ಚ್ ಆತಾಂಚೊ ಮಂಗ್ಳುರ್ ದಿಯೆಶೆಜ್ ಐ.ಸಿ.ವೈ.ಎಂ. ದಿರೆಕ್ತೊರ್ ಮಾ. ಬಾ. ಅಶ್ವಿನ್ ಕರ್ಡೋಜಾ ಹಜಾರ್ ಆಸುನ್ ತಾಂಚೊ ಸಂದೇಶ್ ದಿಲೊ. ಫಿರ್ಗಜ್ ವಿಗಾರ್ ತಶೆಂಚ್ಚ್ ಆದ್ಲೊ ಮಂಗ್ಳುರ್ ದಿಯೆಶೆಜ್ ಐ.ಸಿ.ವೈ.ಎಂ. ದಿರೆಕ್ತೊರ್ ಮಾ. ಬಾ. ರೊನಾಲ್ಡ್ ಪ್ರಕಾಶ್ ಡಿ’ಸೋಜಾ ಹಾಣಿ ಆಪ್ಲ್ಯಾ ಸಂದೇಶಾಂತ್ ಹೆಂ ಕಾರ್ಯೆಂ ಮಾಂಡುನ್ ಹಾಡ್ಲೆಲ್ಯಾ ಐ.ಸಿ.ವೈ.ಎಂ. ಕಾರ್ಬಾರ್ಯಾಂಕ್ ಆಭಿನಂದನ್ ಪಾಟಯ್ಲೆಂ ಆನಿ ರುಬಿ ಜುಬ್ಲೆವಾಚ್ಯಾ ಮುಖ್ಲ್ಯಾ ಕಾರ್ಯಾಂಕ್ ಬರೆಂ ಮಾಗ್ಲೆಂ.

ಅದ್ಲ್ಯಾ ಸರ್ವ್ ಅಧ್ಯಕ್ಷಾಂಕ್ ತಾಂಚಿ ಬೊಗ್ಣಾಂ ಉಚಾರುಂಕ್ ಆವ್ಕಾಸ್ ಕರುನ್ ದಿಲೊ. ಕಾರ್ಯಾಕ್ ಫಿರ್ಗಜ್ ಗೊವ್ಳಿಕ್ ಪರಿಶದೆಚೆ ಉಪಾಧ್ಯಕ್ಷ್ ಶ್ರೀ ಸುನಿಲ್ ಮಿರಾಂದ, ಕಾರ್ಯದರ್ಶಿ ಶ್ರೀಮತಿ ಲೀಡಿಯಾ ಡಿ’ಕುನ್ಹಾ, ಸರ್ವ್ ಆಯೊಗಾಂಚೊ ಸಂಯೋಜಕ್ ಶ್ರೀ ಆಲ್ವಿನ್ ಮಿನೇಜಸ್, ಐ.ಸಿ.ವೈ.ಎಂ. ಅಧ್ಯಕ್ಷ್ ಪ್ರೀತೇಶ್, ಕಾರ್ಯದರ್ಶಿ ಆರಲ್ ಮಿರಾಂದ ಹಜಾರ್ ಆಸ್ ಲ್ಲಿಂ.

ಐ.ಸಿ.ವೈ.ಎಂ. ಅಧ್ಯಕ್ಷ್ ಪ್ರೀತೇಶ್ ದಾಂತಿಸಾನ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ನೆವಿಲ್ ಡಿ’ಕೊಸ್ತಾ ಆನಿ ರೋಯ್ಡನ್ ಮಿನೇಜಸ್ ಹಾಣಿಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ದೊನ್ಪಾರಾಂ ಜೆವ್ಣಾಂ ಸವೆಂ ಕಾರ್ಯೆಂ ಸಂಪ್ಲೆಂ.