Parish News

ಭಾಗೆವಂತ್ ಹಾಫ್ತ್ಯಾಕ್ ತಯಾರಾಯ್ ಜಾವ್ನ್ 14 ಎಪ್ರಿಲ್,2019 ವೆರ್ ರಾಮಾಚೊ ಆಯ್ತಾರ್ ಆಚರಣ್ ಕೆಲೊ. ಸಕಾಳಿಂ 7.45 ವೊರಾಂಕ್ ಗ್ರೊಟ್ಟ್ಯಾ ಲಾಗಿಂ ತಾಳಿಯೊ ಬೆಂಜಾರ್ ಕರುನ್ ಪುರ್ಶ್ಯಾವಾಂರ್ ಶಿಸ್ತೆನ್ ತಶೆಂಚ್ ಭಕ್ತಿಪಣಾನ್ ಇಗರ್ಜೆಕ್ ಆಯ್ಲ್ಯಾಂವ್. ಮಿಸಾಚ್ಯಾ ಬಲಿದಾನಾಂತ್ ಪ್ರಧಾನ್ ಯಾಜಾಕ್ ಜಾವ್ನ್ ಮಾ|ಬಾ| ಆ್ಯಂಟನಿ ಫೆರ್ನಾಂಡಿಸ್ ಹಾಜಾರ್ ಆಸ್ಲ್ಲೆ. ಪ್ರಸಂಗಾಂತ್ ಪ್ರಧಾನ್ ಯಾಜಾಕ್ ಬಾಪಾನಿಂ ಜೆಜುನ್ ಸೊಸ್‍ಲ್ಲ್ಯಾ ಮಾನಸಿಕ್, ಅತ್ಮಿಕ್ ಆನಿ ದೈಹಿಕ್ ಕಷ್ಟಾಂಚೊ ನಿಯಾಳ್ ದಿಲೊ. ಫಿರ್ಗಜ್ ವಿಗಾರ್ ಬಾಪ್ ಜೆಸುದಾಸ್ ಡಿ’ಕೊಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಸರ್ವ್ ಫಿರ್ಗಜ್ಗಾರಾಂನಿಂ ಭಕ್ತಿಪಣಾನ್ ಭಾಗ್ ಘೆತ್ಲೊ.