Parish News

22 ಮಾರ್ಚ್, 2019 ಸುಕ್ರರಾ ಸಾಂಜೆರ್ 5:30 ವರಾರ್ ಮಿಸಾ ಉಪ್ರಾಂತ್ ಶಿರ್ತಾಡಿ ಫಿರ್ಗಜೆ ಥಾವ್ನ್ ಆಯಿಲ್ಯಾ ಜೆರಿಕೊ ಖುರ್ಸಾಕ್ ಆಮ್ಚ್ಯಾ ಫಿರ್ಗಜೆಂತ್ ಘೆತ್ಲೊ. ಶಿರ್ತಾಡಿ ಫಿರ್ಗಜೆಚೊ ವಿಗಾರ್ ಮಾ|ಫ್ರಾನ್ಸಿಸ್ ಬಾಪಾನಿಂ ಹೊ ಖುರಿಸ್ ಮಾನಾನ್ ಆಮ್ಚೊ ವಿಗಾರ್ ಮಾ|ಜೇಸುದಾಸ್ ಬಾಪಾಂಚ್ಯಾ ಹಾತಿಂ ದಿಲೊ, ಉಪ್ರಾಂತ್ ಖುರ್ಸಾಕ್ ಮಾನ್ ಕರ್ನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಧಾರ್ಮಿಕ್ ತಶೆಂಸ್ ಲಾಯಿಕ್ ಭಾವಾಂ-ಭಯ್ಣಿಂ ಪಾಸುತ್, ಯುವಜಣಾಂ ಪಾಸುತ್, ರಾಷ್ರೀಯ್ ಮುಖೆಲ್ಯಾಂ ಪಾಸುತ್, ಪರಿಸರ್ ಸಂರಕ್ಷಣಾ ಖಾತಿರ್ ಆನಿ ಮುಕಾರ್ ಯೆಂವ್ಕ್ ಆಸ್ಚ್ಯಾ ಎಲಿಸಾಂವಾ ಖಾತಿರ್ ಆನಿ ಹೆರ್ ಸರ್ವ್ ಇರಾದ್ಯಾಂ ಪಾಸುತ್ ಖುರ್ಸಾ ಮುಕಾರ್ ಪ್ರಾರ್ಥನ್ ಕೆಲೆಂ. ಹಾಜರ್ ಆಸ್‍ಲ್ಲ್ಯಾ ಸರ್ವ್ ಲೊಕಾನಿಂ ಖುರ್ಸಾಕ್ ಫುಲಾಂ ಅರ್ಪಿಲಿಂ ಆನಿ ಮಾಗ್ಣ್ಯಾವಿಧಿ ಸಂಪಯ್ಲಿ.