ದಸೆಂಬರ್ 31, 2017 ಮರಿ ದೇವ್ ಮಾತಾ ಫೆಸ್ತ್ ಆಚರಣ್ ಆನಿ 2018 ನವೆಂ ವರ್ಸಾಚಾ ದಿಸಾಕ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಮಿಸಾಕ್ ಪ್ರಧಾನ್ ಯಾಜಾಕ್ ಜಾವ್ನ್ ಸಾಂ. ಫಿಲೊಮೆನಾ ಕಾಲೆಜ್ ಪುತ್ತೂರ್ ಹಾಚೊ ಪ್ರಾದ್ಯಾಪಕ್ ಮಾ| ಬಾ| ರಿತೇಶ್ ರೋಡ್ರಿಗಸ್ ಹಾಜರ್ ಆಸೊನ್, ಫಿರ್ಗಜ್ ವಿಗಾರ್ ಮಾ| ಬಾ| ಜೆಸುದಾಸ್ ಡಿ’ಕೋಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ.
ಪ್ರಸಂಗಾಂತ್ ಬಾಪ್ ರಿತೇಶ್ ಹಾಣಿಂ ‘ಆಮ್ಚ್ಯಾ ಸಂಸಾರಿ ಆನಿ ಸರ್ಗಿಂಚಾ ಅವಯಾಂಕ್ ಮಾನ್ ದೀಂವ್ಕ್ ಉಲೊ ದಿಲೊ'. ಮಿಸಾ ಉಪ್ರಾಂತ್ ಮಾ| ಜೆಸುದಾಸ್ ಡಿ’ಕೋಸ್ತಾ ಬಾಪಾನಿಂ ಸಕ್ರಾಮೆಂತಾಚೆಂ ಆರಾಧಾನ್ ಚಲವ್ನ್ ವ್ಹೆಲೆಂ ಆನಿ 2017ವ್ಯಾ ವರ್ಸಾ ದೆವಾನ್ ದಿಲ್ಲ್ಯಾ ಸರ್ವ್ ಉಪ್ಕಾರಾಂಕ್ ಅರ್ಗಾಂ ದಿಲಿಂ. ಅಕೇರಿಕ್ ಫಿರ್ಗಜ್ ಐ.ಸಿ.ವೈ.ಯಂ. ಘಟಕಾಚಾ ತರ್ಫೆನ್ ಮಾಂಡುನ್ ಹಾಡ್ಲೆಲ್ಯಾ ಗರ್ದಾನಾಚಾ ಗೊಟ್ಯಾಚಾ ಸ್ಫರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಬಹುಮಾನಾ ವಾಂಟ್ಲಿಂ.
