ದಸೆಂಬರ್ 24, 2017: ಕ್ರಿಸ್ಮಸ್ ಫೆಸ್ತ್ ಭೋವ್ ಗಡ್ದಾಳಾಯೆನ್ ಆಚರಣ್ ಕೆಲೆಂ. ತ್ಯಾ ದಿಸಾ ಸಾಂಜೆರ್ 7.00 ವೊರಾಂಕ್ ಕ್ರಿಸ್ಮಸ್ ಕ್ಯಾರಲ್ಸಾ ಸವೆಂ ಲಿತುರ್ಜಿ ಆರಂಭ್ ಕೆಲಿ. ಗಾಯನ್ ಮಂಡಳೆಚ್ಯಾ ಸಾಂಗಾತಾ ಸರ್ವ್ ಭಕ್ತಿಕಾನಿಂ ಕ್ರಿಸ್ಮಸ್ ಕ್ಯಾರಲ್ಸಾಂತ್ ಸಕ್ರೀಯ್ ರಿತಿನ್ ಭಾಗ್ ಘೆತ್ಲೊ.
ಹಾಚಾ ಉಪ್ರಾಂತ್ ಪ್ರದಾನ್ ಯಾಜಕ್ ಜಾವ್ನ್ ಕಾಪುಜಿನ್ ಪ್ರಾದ್ ಮಾ| ಬಾ| ವಿನೋದ್ ಮಸ್ಕರೇನ್ಹಸ್ ಹಾಣಿಂ ಮಿಸಾಚೆ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಮಾ| ಬಾ| ಜೆಸುದಾಸ್ ಡಿ’ಕೋಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಪ್ರಸಂಗಾಂತ್ ಬಾಪ್ ವಿನೋದ್ ಹಾಣಿ ‘ಬಾಳ್ಕಾ ಜೆಜು ಥಂಯ್ ಆಸ್‍ಲ್ಲಿ ಮೊವಾಳಾಯ್ ಆಮ್ಚ್ಯಾ ಜಿಣಿಯೆಂತ್ ಮಾನುನ್ ಘೆವ್ನ್ ಜಿಣಿ ತ್ಯಾ ಪರಿಂ ಜಿಯೆಜಾಯ್’ ಮ್ಹಣ್ ಉಲೊ ದಿಲೊ. ಮಿಸಾ ವೆಳಾರ್ ವಿಗಾರಾನಿಂ ಸರ್ವಾಂಕ್ ಕ್ರಿಸ್ಮಸ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ.
ಮಿಸಾ ಉಪ್ರಾಂತ್ ಫಿರ್ಗಜ್ ಐ.ಸಿ.ವೈ.ಯಂ. ಘಟಕಾಚಾ ತರ್ಫೆನ್ ಲ್ಹಾನ್ಶೆಂ ಸಾಂಸ್ಕೃತಿಕ್ ಕಾರ್ಯೆಂ ಆಸಾ ಕೆಲ್ಲೆಂ. ಹಾಂತುನ್ ಸರ್ವ್ ಫಿರ್ಗಜ್‍ಗಾರಾನಿಂ ಭಾಗ್ ಘೆತ್ಲೊ. ಹಾಜಾರ್ ಜಾಲ್ಲ್ಯಾ ಸರ್ವಾಂಕ್ ಮಾಲ್ಟ್ ತಶೆಂಚ್ ಕೆಕ್ ವಾಂಟ್ಲಿ. ಥೊಡೆ ಲಕ್ಕಿ ಗೇಮ್ಸ್ ಆನಿ ಆಕ್ಶನಾಂ ಕೆಲಿಂ. ಸರ್ವಾನಿ ಭೋವ್ ಕುಶೆನ್ ಹಾಂತುನ್ ಭಾಗ್ ಘೆತ್ಲೊ.
More Photos...