Parish News

ಆಮ್ಚೆ ಗೊವ್ಳಿಬಾಪ್ ಅದಿಕ್ ಮಾನಾದಿಕ್ ದೊತೊರ್ ಪೀಟರ್ ಪಾವ್ಲ್ ಸಲ್ಡಾನ್ಹಾ ಸಪ್ಟೆಂಬ್ರಾಚ್ಯಾ 25 ಆನಿ 26, 2021 ವೆರ್ ದೋನ್ ದಿಸಾಂಚ್ಯಾ ಗೊವ್ಳಿಕ್ ಭೆಟೆಕ್ ಆಮ್ಚ್ಯಾ ಫಿರ್ಗಜೆಕ್ ಆಯಿಲ್ಲೆ. ಆಜ್ 26 ತಾರಿಕೆರ್ ಸಾಂಜೆರ್ 4.00 ವರಾಂಕ್ ಸಾಂ ಲೊರೆಸ್ ವಾಡ್ಯಾಂತ್ ಶ್ರೀ ಲೊರೆನ್ಸ್ ಡಿ’ಸೋಜಾಚ್ಯಾ ಘರಾ ಆಸ್ಲೆಲ್ಯಾ ವಾಡ್ಯಾ ಜಮತೆಕ್ ಹಜಾರ್ ಜಾಲೆ. ಗೊವ್ಳಿ ಬಾಪಾಂ ಸವೆಂ ಆಮ್ಚೊ ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಪ್ರಕಾಶ್ ಡಿ’ಸೋಜಾ, ಗೊವ್ಳಿ ಬಾಪಾಂಚೊ ಕಾರ್ಯದರ್ಶಿ ಮಾ. ಬಾ. ರೋಹನ್ ಲೋಬೊ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಷ್ ಶ್ರೀ ಡೆನಿಯಲ್ ಡಿಸಿಲ್ವಾ, ಕಾರ್ಯದರ್ಶಿ ಶ್ರೀಮತಿ ಐರಿನ್ ಹಿಲ್ಡಾ ಕುಟಿನ್ಹಾ, ಸರ್ವ್ ಆಯೋಗಾಂಚೊ ಸಂಯೋಜಕ್ ಶ್ರೀ ಸುನಿಲ್ ಮಿರಾಂದ ವಾಡ್ಯಾ ಜಮತೆಕ್ ಹಜಾರ್ ಜಾಲ್ಲೆ. ಜಮತ್ ಚಲವ್ನ್ ವ್ಹೆಲ್ಲಿ ರೀತ್ ಆನಿ ಸರ್ವಾಂಚೆಂ ಮೆತೆರ್ಪಣ್ ಪಳೆವ್ನ್ ಗೊವ್ಳಿ ಬಾಪಾನಿಂ ಹೊಗ್ಳಿಕ್ ಉಚಾರ್ಲಿ.

ಸುಮಾರ್ 45 ವಾಡ್ಯಾಗಾರಾಂ ಜಮತೆಕ್ ಹಜಾರ್ ಅಸ್ಲೆಲಿಂ. ಶ್ರೀ ಡೊಲ್ಪಿ ಡಿ’ಸೋಜಾನ್ ಸರ್ವಾಂಕ್ ಎವ್ಕಾರ್ ಮಾಗ್ಲೊ. ವಾಡ್ಯಾಚೊ ಗುರ್ಕಾರ್ ಶ್ರೀ ಅರುಣ್ ಸುನಿಲ್ ಪಿರೇರಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಶ್ರೀಮತಿ ಮೇರಿ ಪಿರೇರಾನ್ ಜಮತ್ ಚಲವ್ನ್ ವ್ಹೆಲಿ.