Parish News

ಆಮ್ಚ್ಯಾ ಫಿರ್ಗಜೆಂತ್ ಮೊಂತಿ ಫೆಸ್ತ್ ಸಪ್ತೆಂಬರ್ 08, 2021ವೆರ್ ಆಚರಣ್ ಕೆಲೆಂ. ಪ್ರಸ್ತುತ್ ಪರಿಸ್ಥಿತೆಕ್ ಲಾಗುನ್ ತೀನ್ ತೀನ್ ವಾಡೆ ಸಾಂಗಾತಾ ಘಾಲ್ನ್ ದೋನ್ ಮಿಸಾಂ ಆಸಾ ಕೆಲ್ಲಿಂ. ಪಯ್ಲೆಂ ಮೀಸ್ ಸಕಾಳಿಂ 7.30 ವರಾರ್ ಆನಿ ದುಸ್ರೆಂ ಮೀಸ್ 9.00 ವರಾರ್ ಭೆಟಯ್ಲೆಂ.

ಮಿಸಾ ಪಯ್ಲೆಂ ಕಣ್ಸಿ ಬೆಂಜಾರ್ ಕರುನ್ ಉಪ್ರಾಂತ್ ಸರ್ವ್ ಫಿರ್ಗಜ್ಗಾರಾನಿಂ ಬಾಳಕ್ ಮರಿಯೆಕ್ ಭೋವ್ ಶಿಸ್ತೆನ್ ಫುಲಾಂ ಅರ್ಪಿಲಿಂ.

ವಿಗಾರ್ ಮಾ. ರೊನಾಲ್ಡ್ ಡಿ'ಸೋಜ ಬಾಪಾನಿಂ ದೊನೀ ಮಿಸಾಂಕ್ ಪ್ರಧಾನ್ ಯಾಜಕ್ ಜಾವ್ನ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಫೆಸ್ತ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಫಿರ್ಗಜ್ ಗೊವ್ಳಿಕ್ ಪರಿಶದೆಚ್ಯಾ ಸಾಂಧ್ಯಾಂಚೊ, ಫೆಸ್ತಾಕ್ ಮುಡ್ದೊಮ್ ರಾವ್ಲೆಲ್ಯಾಂಚೊ, ಫುಲಾಂ ಹಾಡ್ಲೆಲ್ಯಾ ಭುರ್ಗ್ಯಾಂಕ್ ಗರ್ಜೆಚ್ಯೊ ವಸ್ತು ದೀಂವ್ಕ್ ದುಡ್ವಾಚಿ ಕುಮಕ್ ಕೆಲ್ಲ್ಯಾಂಚೊ ತಶೆಂಚ್ ಸರ್ವ ಫಿರ್ಗಜ್ಗಾರಾಂಚೊ ಉಪ್ಕಾರ್ ಬಾವುಡ್ಲೊ. ಭುರ್ಗ್ಯಾಂಕ್ ತಶೆಂಚ್ಚ್ ಸರ್ವ್ ಫಿರ್ಗಜ್ಗಾರಾಂಕ್ ಕುಟ್ಮಾ ಎಕಾ ಲೆಕಾನ್ ಕೊಬು ವಾಂಟ್ಲೆ.