ಕ್ರೀಸ್ತಿ ಶಿಕ್ಷಣಾಚೆಂ ವರಸ್ ಸುರ್ವಾತ್ಲೆಂ

ಜೂನ್ 9, 2019 ವೆರ್ ಆಯ್ತಾರಾ ಸಕಾಳಿಂಚ್ಯಾ ಮಿಸಾ ವೆಳಾರ್ 2019-20ವ್ಯಾ ವರ್ಸಾಚ್ಯಾ ಕ್ರೀಸ್ತಿ ಶಿಕ್ಷಣಾಚೆಂ ಉಗ್ತಾವಣ್ ಚಲವ್ನ್ ವ್ಹೆಲೆಂ. ಲಾನ್ ಕ್ರೀಸ್ತಾಂವ್ ಸಮಿತಿಚ್ಯಾ ಸಂಚಾಲಕಿನ್ ಪ್ರವೇಶ್ ದ್ವಾರಾ ಥಾವ್ನ್ ಖುರಿಸ್, ತಶೆಂಸ್ ಸಯ್ರೆ ಯಾಜಕ್ ಮಾ|ಬಾ| ರೊನಾಲ್ಡ್ ಪಿಂಟೊ ಹಾಣಿಂ ವಿಗಾರ್ ಮಾ|ಬಾ|ಜೇಸುದಾಸ್ ಡಿ’ಕೋಸ್ತ ಸಂಗಿಂ ಪವಿತ್ರ್ ಬೈಬಲ್ ಪುರ್ಶ್ಯಾಂವಾರ್ ಹಾಡ್ನ್ ವೆದಿಚೆರ್ ದವರ್ಲೊ ಆನಿ ಫುಲಾಂ ಅರ್ಪಿಲಿಂ. ಹಾಂಚೆಂ ಬರಾಬರ್ ಫಿರ್ಗಜ್ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್, ಕಾರ್ಯದರ್ಶಿ ಮಾನೆಸ್ತ್ ಆಲ್ವಿನ್ ಮಿನೇಜಸ್, ಆಯ್ತಾರಾಚೆಂ ಕ್ರೀಸ್ತಿ ಶಿಕ್ಷಣ್ ಶಿಕಂವ್ಚಿಂ ಶಿಕ್ಷಕಾಂ ಆನಿ ಭುರ್ಗ್ಯಾನಿಂ ಲಾವ್ದಾತೋಸಿ ವರ್ಸಾಚೊ ಸಂಕೇತ್ ಜಾವ್ನ್ ಫುಲಾಂ ಝಡಾಂ ವೆದಿಚೆರ್ ಹಾಡ್ನ್ ದವರ್ಲಿಂ.

ಹ್ಯಾ ವರ್ಸಾ ಕ್ರಿಸ್ತಿ ಶಿಕ್ಷಣ್ ಶಿಕಂವ್ಚ್ಯಾ ಸರ್ವ್ ಶಿಕ್ಷಕಾಂಕ್ ವಿಗಾರ್ ಬಾಪಾನಿಂ ಪ್ರತಿಜ್ಞಾ ವಿಧಿ ಚಲವ್ನ್ ವ್ಹೆಲಿ. ಪೆಂತೆಕೊಸ್ತಾಚ್ಯಾ ಪರ್ಬೆಚ್ಯಾ ಸಂರ್ಧಬಿಂ ಮಾ|ಬಾ| ರೊನಾಲ್ಡ್ ಪಿಂಟೊ ಹಾಣಿಂ ಪವಿತ್ರ್ ಅತ್ಮ್ಯಾ ವಿಶಿಂ ಆನಿ ಮೊಗಾ ವಿಶಿಂ ಅರ್ಥಾಭರಿತ್ ನಿಯಾಳ್ ದಿಲೊ.