Parish News

by Sharel Preethi

ಆಮ್ಚ್ಯಾ ಫಿರ್ಗಜೆಂತ್ ಜೆಜುಚ್ಯಾ ಜಿವಂತ್ಪಣಾಚಿ ಪರಬ್ ಭೋವ್ ಗಡ್ದಾಳಾಯೆನ್ ಆನಿ ಭಕ್ತಿಪಣಿ ಆಚರಣ್ ಕೆಲಿ. ಎಪ್ರಿಲಾಚ್ಯಾ 20 ತಾರಿಕೆರ್ ಸನ್ವಾರಾ ಸಾಂಜೆರ್ 7.30 ವರಾರ್ ಪಾಸ್ಕಾಚಿ ಲಿತುರ್ಜಿ ಆರಂಭ್ ಜಾಲಿ. ಸುರ್ವೆರ್ ಇಗರ್ಜೆಚ್ಯಾ ಮುಖ್ಲ್ಯಾ ದಾರ್ವೊಟ್ಯಾ ಲಾಗಿಂ  ಉಜೊ ಬೆಂಜಾರ್ ಕರ್ಚ್ಯಾ ಮುಖಾಂತ್ರ್ ಕಾಳೊಕಾ ವರ್ಯ್ ಉಜ್ವಾಡಾನ್ ವೆಲ್ಲ್ಯಾ ಜಯ್ತಾಚಿ ನಿಶಾನಿ ಜಾವ್ನಾಸ್ಚ್ಯಾ ಉಜ್ಯಾಂತ್, ಪವಿತ್ರ್ ಕೆಲ್ಲಿ ಪಾಸ್ಕಾಚಿ ವಾತ್ ಪೆಟಯ್ಲಿ. ಮಿಸಾರ್ ಪ್ರಧಾನ್ ಯಾಜಾಕ್ ಜಾವ್ನ್ ಕಾಪುಚಿನ್ ಪ್ರಾದ್ ಮಾ|ಬಾ| ಜೈಸನ್ ಪಾಯ್ಸ್ ಹಾಜಾರ್ ಆಸ್ಲ್ಲೆ ಸಾಂಗತಸ್ ವಿಗಾರ್ ಮಾ|ಬಾ| ಜೇಸುದಾಸ್ ಡಿ’ಕೋಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಆಪ್ಲ್ಯಾ ಪ್ರಸಂಗಾತ್ ಮಾನಾದಿಕ್ ಜೈಸನ್ ಪಾಯ್ಸ್ ಬಾಪಾನಿ, ಜೆಜುಚ್ಯಾ ಮೊರ್ಣಾ ಸವೆಂ ಆಮ್ಚ್ಯಾ ವಾಯ್ಟಾಂತ್ ಆಮಿ ಮೊರೊನ್ ಜೆಜುಚ್ಯಾ ಜಿವಂತ್ಪಣಾಂ ಸವೆಂ ಆಮ್ಕಾಂ ನವೆಂ ಜಿವಿತ್ ಲಾಭ್ತಾ ಮ್ಹುಳ್ಳೊ ಸಂದೇಶ್ ದಿಲೊ. ಸರ್ವಾನಿಂ ಭೋವ್ ಭಕ್ತಿಪಣಿಂ ಸಂಪೂರ್ಣ್ ಲಿತುರ್ಜಿಂತ್ ಭಾಗ್ ಘೆತ್ಲೊ. ಗಾಯಾನ್ ಮಂಡಳೆನ್ ಅರ್ಥಾಭರಿತ್ ಗಾಯಾನಾಂ ಕರುನ್ ಭಕ್ತಿಪಣ್ ಚಡಯ್ಲೆಂ. ಮಿಸಾಚ್ಯಾ ಅಖೇರಿಕ್ ವಿಗಾರ್ ಬಾಪಾನಿಂ ಭಾಗೆವಂತ್ ಹಪ್ತ್ಯಾಂತ್ ಸೆವಾ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.

ಮಿಸಾ ಉಪ್ರಾಂತ್ ಹರ್ಯೆಕ್ಲ್ಯಾನಿ ಎಕಾಮೆಕಾ ಫೆಸ್ತಾಚೆ ಶುಭಾಷಯ್ ಪಾಟಯ್ಲೆ.