Parish News

ಫೆಬ್ರರ್ 17, 2019 : ಫೆಬ್ರರ್ 14 ತಾರಿಕೆರ್ ಜಮ್ಮು ಕಾಶ್ಮೀರಾಂತ್ ಸುಮಾರ್ ಚಾಳಿಸಾ ವರ್ನಿ ಚಡ್ ಸಿ.ಆರ್.ಪಿ.ಎಫ್. ಸೈನಿಕಾಂಕ್ ಆತಂಕ್ವಾದಿನಿಂ ಬಾಂಬ್ ಘಾಲ್ನ್ ಜಿವೆಶಿಂ ಮಾರ್ಲ್ಲೆಂ ಘಡಿತ್ ಭಾರತಾಂತ್ ಭೋವ್ ದುಃಖಿಚೆಂ. ಸರ್ಲ್ಲ್ಯಾ ಸರ್ವ್ ಸೈನಿಕಾಂಕ್ ಶೃದ್ಧಾಂಜಲಿ ಪಾಠಂವ್ಚೆಂ ಕಾರ್ಯೆಂ ಆಮ್ಚ್ಯಾ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಫೆಬ್ರರ್ 17 ತಾರಿಕೆರ್ ಆಯ್ತಾರಾ ಸಾಂಜೆರ್ 6:30 ವರಾರ್ ಫಿರ್ಗಜ್ ಆನಿ ಎಕ್ಸಲೆಂಟ್ ಕಾಲೇಜಿಚ್ಯಾ ಸಹಕಾರಾನ್ ಚಲವ್ನ್ ವೆಲೆಂ.

ಮುಖೆಲ್ ಸಯ್ರೆ ಆನಿ ಪ್ರಮುಖ್ ಉಲವ್ಪಿ ಜಾವ್ನ್ ರೋಟರಿ ಶಿಕ್ಷಣ್ ಸಂಸ್ಥ್ಯಾಚೊ ಪ್ರಾಂಶುಪಾಲ್ ಮಾನೆಸ್ತ್ ವಿನ್ಸೆಂಟ್ ಡಿ’ಕೋಸ್ತ ಹಾಜಾರ್ ಆಸುನ್ ಶೃದ್ಧಾಂಜಲಿಚಿಂ ಉತ್ರಾಂ ಉಲಯ್ಲೆ. ವಿಗಾರ್ ಮಾ|ಜೇಸುದಾಸ್ ಬಾಪಾನಿಂ ಪ್ರಾಸ್ತಾವಿಕ್ ಉಲವ್ಣೆ ಉಲವ್ನ್ ಘಡಿತಾಚೆಂ ಖಂಡನ್ ಕೆಲೆಂ ಆನಿ ಶಾಂತಿನ್ ಜಿಯೆಂವ್ಕ್ ಉಲೊ ದಿಲೊ. ಹ್ಯಾ ಕಾರ್ಯಾಂತ್ ಲಯನ್ಸ್ ಕ್ಲಬಾಚೆ ಅಧ್ಯಕ್ಷ್ ಡಾ. ಕೆ.ಎನ್. ಶೆಟ್ಟಿ, ಗಂಟಾಲ್ಕಟ್ಟೆ ಜುಮ್ಮಾ ಮಸೀದಿಚೆ ಅಧ್ಯಕ್ಷ್ ಹಾಜಿ ಅಬ್ದುಲ್ಹಾ, ಶ್ರೀ ಶಶೀಧರ್ ಕೆ, ಫಿರ್ಗಜ್ ಗೊವ್ಳಿಕ್ ಪರಿಶದೆಚೆ ಉಪಾಧ್ಯಕ್ಷ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್ ಆನಿ ಕಾರ್ಯಾದರ್ಶಿ ಮಾನೆಸ್ತ್ ಆಲ್ವಿನ್ ಮಿನೇಜಸ್ ಹಾಜರ್ ಆಸ್ಲ್ಲೆ.

ಫಿರ್ಗಜ್ಗಾರಾಂ ತಶೆಂಸ್ ಎಕ್ಸಲೆಂಟ್ ಕಾಲೇಜಿಚೆ ವಿಧ್ಯಾರ್ಥಿ ಸಾಂಗಾತಾ ಮೆಳೊನ್ ಸುಮಾರ್ 500 ಲೋಕ್ ಹಾಜರ್ ಆಸ್ಲ್ಲೊ. ಸರ್ವಾಂನಿ ವಾತಿ ಜಳವ್ನ್ ಸೈನಿಕಾಂಕ್ ಶೃದ್ಧಾಂಜಲಿ ಪಾಠಯ್ಲಿ.