Parish News

ದಸೆಂಬರ್ 24, 2018: ಕ್ರಿಸ್ಮಸ್ ಫೆಸ್ತ್ ಭೋವ್ ಗಡ್ದಾಳಾಯೆನ್ ಆಚರಣ್ ಕೆಲೆಂ. ತ್ಯಾ ದಿಸಾ ಸಾಂಜೆರ್ 7.00 ವೊರಾಂಕ್ ಕ್ರಿಸ್ಮಸ್ ಕ್ಯಾರಲ್ಸಾ ಸವೆಂ ಲಿತುರ್ಜಿ ಆರಂಭ್ ಕೆಲಿ. ಗಾಯನ್ ಮಂಡಳೆಚ್ಯಾ ಸಾಂಗಾತಾ ಸರ್ವ್ ಭಕ್ತಿಕಾನಿಂ ಕ್ರಿಸ್ಮಸ್ ಕ್ಯಾರಲ್ಸಾಂತ್ ಸಕ್ರೀಯ್ ರಿತಿನ್ ಭಾಗ್ ಘೆತ್ಲೊ.

ಹಾಚಾ ಉಪ್ರಾಂತ್ ಪ್ರದಾನ್ ಯಾಜಕ್ ಜಾವ್ನ್ ಮಾ|ಬಾ|ರಾಯನ್ ಪಿಂಟೊ ಹಾಣಿಂ ಮಿಸಾಚೆ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಮಾ| ಬಾ| ಜೆಸುದಾಸ್ ಡಿ’ಕೋಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಪ್ರಸಂಗಾಂತ್ ಬಾಪ್ ರಾಯನ್ ಹಾಣಿ ‘ದೇವ್ ಮನ್ಶಾಕ್ ಮನ್ಶಾಪಣಾನ್ ಜಿಯೆಂವ್ಕ್ ಶಿಕೊಂವ್ಕ್ ಆಯ್ಲಾ’ ಮ್ಹಳ್ಳೊ ಸಂದೇಶ್ ದಿಲೊ. ಮಿಸಾ ವೆಳಾರ್ ವಿಗಾರ್ ಬಾಪಾನಿಂ ಸರ್ವಾಂಕ್ ಕ್ರಿಸ್ಮಸ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ.

ಮಿಸಾ ಉಪ್ರಾಂತ್ ಫಿರ್ಗಜ್ ಐ.ಸಿ.ವೈ.ಯಂ. ಘಟಕಾಚಾ ತರ್ಫೆನ್ ಲ್ಹಾನ್ಶೆಂ ಸಾಂಸ್ಕೃತಿಕ್ ಕಾರ್ಯೆಂ ಆಸಾ ಕೆಲ್ಲೆಂ. ಹಾಂತುನ್ ಸರ್ವ್ ಫಿರ್ಗಜ್ಗಾರಾನಿಂ ಭಾಗ್ ಘೆತ್ಲೊ. ಹಾಜಾರ್ ಜಾಲ್ಲ್ಯಾ ಸರ್ವಾಂಕ್ ಮಾಲ್ಟ್ ತಶೆಂಚ್ ಕೆಕ್ ವಾಂಟ್ಲಿ. ಲಾನ್ ಭುರ್ಗ್ಯಾಂಚೆಂ ನಾಚ್,ಬೊಕ್ರೊ ಆನಿ ಕೊಂಬೊ ಡ್ರಾ, ಲಾನ್ ನಾಟ್ಕುಳೊ ಆನಿ ಆಕ್ಶನಾಂ ಕೆಲಿಂ. ಸರ್ವಾನಿ ಭೋವ್ ಕುಶೆನ್ ಹಾಂತುನ್ ಭಾಗ್ ಘೆತ್ಲೊ.