ನವೆಂಬರ್ 19, 2017 ತಾರಿಕೆರ್ ಸಾಂಜೆರ್ ಆಮ್ಚ್ಯ ಗಂಟಾಲ್ ಕಟ್ಟೆ ಫಿರ್ಗಜೆಂತ್ ನವ್ಯಾನ್ ಬಾಂದ್ಲ್ಲೊ ದ್ವಾರಾ ಆನಿ ಗ್ರೊಟ್ಟೊ ಉಗ್ತಾವಣ್ ಕರ್ನ್ ಆಶೀರ್ವಚನ್ ಕೆಲೊ. ಹ್ಯಾ ಕಾರ್ಯಾಕ್ ಮೊನ್ಸಿಂಜೊರ್ ಬೋವ್ ಮಾನಾಧಿಕ್ ಡೆನ್ನಿಸ್ ಮೊರಾಸ್ ಪ್ರಭು ಹಜಾರ್ ಆಸುನ್ ಗ್ರೊಟ್ಟೊ ಉಗ್ತಾವಣ್ ಕರ್ನ್ ಆಶಿರ್ವಚನಾಚೆಂ ಕಾರ್ಯೆಂ ತಾಣಿಂ ಚಲವ್ನ್ ವ್ಹೆಲೆಂ. ಕರ್ನಾಟಕ್ ಸರ್ಕಾರಾಚೊ ಆದ್ಲೊ ಮಂತ್ರಿ ಆನಿ ಮೂಡ್ಬಿದ್ರಿ ಕ್ಷೇತ್ರಾಚೊ ಶಾಸಕ್ ಮಾನೆಸ್ತ್ ಅಭಯಚಂದ್ರ ಜೈನಾನ್ ದ್ವಾರ ಉಗ್ತವಾಣಾಚೆಂ ಕಾರ್ಯೆಂ ಚಲವ್ನ್ ವೆಲೆಂ.
ಮೂಡ್ಬಿದ್ರಿ ವಾರಡೊ ವಿಗಾರ್‍ವಾರ್ ಭೋ| ಮಾ| ಬಾ| ಪೌಲ್ ಸಿಕ್ವೇರಾ ಹಾಣಿಂ ಗ್ರೊಟ್ಟೊ ಉಗ್ತಾವಣ್ ಕೆಲೊ. ಮಾ| ಬಾ| ಆಂಟನಿ ಫೆರ್ನಾಂಡಿಸ್ ಹಾಣಿಂ ನವ್ಯಾನ್ ಕೆಲ್ಲ್ಯಾ ಪೋಟೊ ಕಾರ್ನರಾಚೆಂ ಉಗ್ತಾವಣ್ ಕೆಲೆಂ. ಫಿರ್ಗಜ್ ವಿಗಾರ್ ಮಾ| ಬಾ| ಜೆಸುದಾಸ್ ಡಿಕೋಸ್ತಾ, ಪಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಆಲ್ವಿನ್ ಸಂತೋಷ್ ಮಿನೇಜಸ್, ಕಾರ್ಯದರ್ಶಿ ಶ್ರೀ ಆಲ್ವಿನ್ ಮಿನೇಜಸ್ ಸವೆಂ ಫಿರ್ಗಜ್ಗಾರಾಂ ಹಾಜರ್ ಆಸ್ಲ್ಲಿಂ. ಗೊಡ್ವಿನ್ ಮಿನೇಜಸಾನ್ ಕಾರ್ಯೆಂ ಚಲವ್ನ್ ವೆಲೆಂ.
