News: Sunil Miranda
Photos: Akruthi Digitals Moodbidri

ಫಿರ್ಗಜೆಚೆಂ ವಾರ್ಷಿಕ್ ಫೆಸ್ತ್ ಸಂಭ್ರಮ್ಚ್ಯಾ ವಗ್ತಾ ಆಜ್ 15.10.2017 ವೆರ್ ಭೋವ್ ದಾಬಾಜಾನ್ ಕೊಂಪ್ರಿಚೊ ಆಯ್ತಾರ್ "Confraternity Sunday" ಆಚರಣ್ ಕೆಲೊ. ಆಯ್ಚ್ಯಾ ದಿಸಾ ಸಾಕಾಳಿಂ 7.45 ವೊರಾಂಕ್ ಸಂಭ್ರಮಿಕ್ ಅರ್ಗಾಂ ಬಲಿದಾನಾ ಸವೆಂ ಆಯ್ಚಿ ಲಿತುರ್ಜಿ ಆರಂಭ್ ಕೆಲಿ. ಪ್ರದಾನ್ ಯಾಜಾಕ್ ಜಾವ್ನ್ ಸಾಂ. ಜುಜೆ ಸೆಮಿನಾರಿಚೊ ಪ್ರಾಧ್ಯಾಪಕ್ ಮಾ|ಬಾ| ಕ್ಲಿಪರ್ಡ್ ಫೆರ್ನಾಂಡಿಸ್ ಹಾಣಿಂ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಮಾ| ಕ್ಲಿಪರ್ಡ್ ಬಾಪಾನಿಂ, ಸಮೂದಾಯ್ ಬಾಂದುನ್ ಹಾಡಿಜಾಯ್ ಜಾಲ್ಯಾರ್ ಇಲ್ಲೆಂ ಖಾಲ್ತೆಂಪಣ್, ಇಲ್ಲೆಂ ಮುಖೆಲ್ಫಣ್ ಆನಿ ಇಲ್ಲೆಂ ಉದಾರ್‍ಪಣ್ ಜಾಯ್ಜಯ್ ಸಾಂಗಾತಾಚ್ ಜೆಜು ಕ್ರೀಸ್ತ್ ಕಶೆಂ ಹೆರಾಂಚ್ಯಾ ಗರ್ಜಾಂಕ್ ಪಾವುಲ್ಲೊ ತ್ಯಾ ಪರ್ಮಾಣೆ ಆಮಿಂಯೀ ಹೆರಾಂಚಾ ಗರ್ಜಾಂಕ್ ಪಾವುನ್ ಸಾಮೂದಾಯ್ ಬಾಂದುನ್ ಹಾಡುಂಕ್ ಆಮ್ಚೊ ಪಾಟಿಂಬೊ ದೀಜಾಯ್ ಮ್ಹಳ್ಳ್ಯಾ ಅಪುರ್ಭಾಯೆಚ್ಯಾ ಉತ್ರಾಂ ಮುಖಾಂತ್ ಪ್ರಸಂಗ್ ದಿಲೊ. ಫಿರ್ಗಜ್ ವಿಗಾರ್ ಮಾ|ಬಾ| ಜೆಸುದಾಸ್ ಡಿಕೋಸ್ತಾ ಹಾಣಿಂ ಸಹ ಭೆಟವ್ಣಿ ಕೆಲಿ.

ಮಿಸಾ ಉಪ್ರಾಂತ್ ಸಕ್ರಾಮೆಂತಾಚಾ ಆರಾದಾನಾ ಬರಾಬರ್ ಸಕ್ರಾಮೆಂತ್ ಪುರ್ಶಾವಾಂರ್ ಗಂಟಾಲ್‍ಕಟ್ಟೆ ಮ್ಹಣಾಸರ್ ವರುನ್ ಪಾಟಿಂ ಇಗರ್ಜೆಕ್ ಹಾಡ್ಲೊ. ಸರ್ವ್ ಲೊಕಾನ್ ಭೋವ್ ಶಿಸ್ತೆನ್ ಆನಿ ಭಕ್ತಿಪಣಾನ್ ಭಾಗ್ ಘೆತ್ಲೊ. ಇಗರ್ಜೆಕ್ ಪಾವುಲ್ಲೆಂತ್ ಸಂಭ್ರಮಿಕ್ ಆಶೀರ್ವಾದಾ ಸವೆಂ ಲಿತುರ್ಜೆ ಕಾರ್ಯೆಂ ಸಮಾಪ್ತ್ ಜಾಲೆಂ. ವಿಗಾರಾಂನಿ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಫೆಸ್ತಾ ಸಂದರ್ಬಿಂ ‘ಫಿರ್ಜೆಂತ್’ ರಾವುಲ್ಲ್ಯಾ ಸಾಂ ಲೊರೆಸ್ ವಾಡ್ಯಾಚ್ಯಾ ಮಾರ್ಕ್ ಡಿಕೋಸ್ತಾ ಆನಿ ಕುಟ್ಮಾಕ್ ಮಾನಾನ್ ಮರ್ಯೆಚೆಂ ರುಪ್ಣೆಂ ಹಾತಾಂತರ್ ಕೆಲೆಂ. ಮಿಸಾ ಉಪ್ರಾಂತ್ ಸರ್ವಾಂಕ್ ತಂಡ್ ಪೀವನಾಚಿ ವ್ಯವಾಸ್ತಾ ಫಿರ್ಜೆಂತ್ ರಾವುಲ್ಲ್ಯಾ ಕುಟ್ಮಾನ್ ಮಾಂಡುನ್ ಹಾಡ್‍ಲ್ಲಿ.

ಮಿಸಾ ಉಪ್ರಾಂತ್ ಸಕ್ರಾಮೆಂತಾಚಾ ಆರಾದಾನಾ ಬರಾಬರ್ ಸಕ್ರಾಮೆಂತ್ ಪುರ್ಶಾವಾಂರ್ ಗಂಟಾಲ್‍ಕಟ್ಟೆ ಮ್ಹಣಾಸರ್ ವರುನ್ ಪಾಟಿಂ ಇಗರ್ಜೆಕ್ ಹಾಡ್ಲೊ. ಸರ್ವ್ ಲೊಕಾನ್ ಭೋವ್ ಶಿಸ್ತೆನ್ ಆನಿ ಭಕ್ತಿಪಣಾನ್ ಭಾಗ್ ಘೆತ್ಲೊ. ಇಗರ್ಜೆಕ್ ಪಾವುಲ್ಲೆಂತ್ ಸಂಭ್ರಮಿಕ್ ಆಶೀರ್ವಾದಾ ಸವೆಂ ಲಿತುರ್ಜೆ ಕಾರ್ಯೆಂ ಸಮಾಪ್ತ್ ಜಾಲೆಂ. ವಿಗಾರಾಂನಿ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಫೆಸ್ತಾ ಸಂದರ್ಬಿಂ ‘ಫಿರ್ಜೆಂತ್’ ರಾವುಲ್ಲ್ಯಾ ಸಾಂ ಲೊರೆಸ್ ವಾಡ್ಯಾಚ್ಯಾ ಮಾರ್ಕ್ ಡಿಕೋಸ್ತಾ ಆನಿ ಕುಟ್ಮಾಕ್ ಮಾನಾನ್ ಮರ್ಯೆಚೆಂ ರುಪ್ಣೆಂ ಹಾತಾಂತರ್ ಕೆಲೆಂ. ಮಿಸಾ ಉಪ್ರಾಂತ್ ಸರ್ವಾಂಕ್ ತಂಡ್ ಪೀವನಾಚಿ ವ್ಯವಾಸ್ತಾ ಫಿರ್ಜೆಂತ್ ರಾವುಲ್ಲ್ಯಾ ಕುಟ್ಮಾನ್ ಮಾಂಡುನ್ ಹಾಡ್‍ಲ್ಲಿ.

PHOTO ALBUM