ಸಿನೊದ್ ಖುರಿಸ್ ಆಮ್ಚ್ಯಾ ಫಿರ್ಗಜೆಂತ್ ಘೆತ್ಲೊ

ಆಗಸ್ಟ್ 17, 2019ವೆರ್ ಸನ್ವರಾ ಸಾಂಜೆರ್ 5:30 ವರಾರ್ ಮಿಸಾ ಉಪ್ರಾಂತ್ ತಾಕೊಡೆ ಫಿರ್ಗಜೆ ಥಾವ್ನ್ ಆಯಿಲ್ಯಾ ಸಿನೊದ್  ಖುರ್ಸಾಕ್ ಆಮ್ಚ್ಯಾ ಫಿರ್ಗಜೆಂತ್ ಘೆತ್ಲೊ. ತಾಕೊಡೆ ಫಿರ್ಗಜೆಚ್ಯಾ ಐ.ಸಿ.ವೈ.ಯಂ.ಚ್ಯಾ ಸಾಂದ್ಯಾಂನಿ  ಹೊ ಖುರಿಸ್ ಮಾನಾನ್, ವಿಗಾರ್ ಮಾ|ಜೇಸುದಾಸ್ ಬಾಪಾಂಚ್ಯಾ ಹಾತಿಂ ದಿಲೊ. ಉಪ್ರಾಂತ್ ಖುರ್ಸಾಕ್ ಮಾನ್ ಕರ್ನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಯುವಜಣಾಂ ಪಾಸುತ್ ಆನಿ ಮುಕಾರ್ ಬಳ್ಳಾರಿಂತ್ ಜಾಂವ್ಕ್ ಆಸ್ಚ್ಯಾ ಯುವ ಸಮಾವೇಶಾ ಪಾಸುತ್ ಆನಿ ಇತರ್ ಇರಾದ್ಯಾಂ ಪಾಸುತ್ ಖುರ್ಸಾ ಮುಕಾರ್ ಪ್ರಾರ್ಥನ್ ಕೆಲೆಂ. ಹಾಜರ್ ಆಸ್ಲ್ಲ್ಯಾ ಸರ್ವ್ ಲೊಕಾನಿಂ ಖುರ್ಸಾಕ್ ಫುಲಾಂ ಅರ್ಪಿಲಿಂ ಆನಿ ಮಾಗ್ಣ್ಯಾವಿಧಿ ಸಂಪಯ್ಲಿ.