ವನಮಹೋತ್ಸವ್ ಆನಿ ಝಡಾಂ ವಿತರಣ್ ಕಾರ್ಯೆಂ ಚಲವ್ನ್ ವ್ಹೆಲೆಂ

29.07.2018 ವೆರ್ ಆಯ್ತಾರಾ ಆಮ್ಚ್ಯಾ ಫಿರ್ಗಜ್ ಐ.ಸಿ.ವೈ.ಯಂ. ಆನಿ ವೈ.ಸಿ.ಯಸ್. ಘಟಕಾ ತರ್ಫೆನ್, ಮೂಡ್‍ಬಿದ್ರಿ ವನ್ ಇಲಾಖ್ಯಾಚ್ಯಾ ಸಹಕಾರಾನ್ ನಿತ್ಯಾದಾರ್ ಸಭಾಸಲಾಂತ್ ವನಮಹೋತ್ಸವ್ ಕಾರ್ಯೆಂ ಚಲ್ಲೆಂ. ಹ್ಯಾ ಕಾರ್ಯಚೊ ಉದ್ಘಾಟಕ್ ತಶೆಂಚ್ಚ್ ಮುಖೆಲ್ ಸಯ್ರೊ ಜಾವ್ನ್ ಮೂಡಬಿದ್ರಿ-ಮುಲ್ಕಿ ಕ್ಷೇತ್ರಾಚೊ ಶಾಸಕ್ ಶ್ರೀ ಉಮಾನಾಥ್ ಕೋಟ್ಯಾನ್ ಹಾಜರ್ ಆಸ್‍ಲ್ಲೊ. ಕಾರ್ಯಚೊ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಬಾಪ್ ಜೇಸುದಾಸ್ ಡಿಕೋಸ್ತಾ ಮಾನಾಚೆ ಸಯ್ರೆ ಜಾವ್ನ್ ವನ್ ಇಲಾಖ್ಯಾಚೊ ಅಧಿಕಾರಿ ಶ್ರೀ ಪ್ರಕಾಶ್ ಪೂಜಾರಿ, ಫಿರ್ಗಜ್ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಷ್ ಶ್ರೀ ಆಲ್ವಿನ್ ಸಂತೋಷ್ ಮಿನೇಜಸ್ ವೆದಿರ್ ಹಾಜರ್ ಆಸ್‍ಲ್ಲೆ. ಕಾರ್ಯಚೆಂ ಉದ್ಘಾಟನ್ ಶಾಸಕ್ ಶ್ರೀ ಉಮಾನಾಥ್ ಕೋಟ್ಯಾನಾನ್ ಝಡ್ ಲಾವ್ನ್ ಉದಾಕ್ ಘಾಲ್ಚ್ಯಾ ಮರಿಪಾತ್ ಚಲವ್ನ್ ವ್ಹೆಲೆಂ. ಕಾರ್ಯಚೊ ಅಧ್ಯಕ್ಷ್ ಬಾಪ್ ಜೇಸುದಾಸ್ ಡಿಕೋಸ್ತಾ ಹಾಣಿಂ ಗುರ್ಕಾರಾಂಕ್ ಝಡಾಂ ದೀವ್ನ್ ಝಡಾಂ ವಿತರಣ್ ಕಾರ್ಯಕ್ ಸುರ್ವಾತ್ ಘಾಲಿ. ಶಾಸಕ್ ಜಾವ್ನ್ ಪಯ್ಲೆಂ ಪಾವ್ಟಿಂ ಆಮ್ಚ್ಯಾ ಫಿರ್ಗಜೆಕ್ ಆಯಿಲ್ಲ್ಯಾ ಶ್ರೀ ಉಮಾನಾಥ್ ಕೋಟ್ಯಾನಾಕ್ ಫಿರ್ಗಜೆ ತರ್ಫೆನ್ ಸನ್ಮಾನ್ ಕೆಲೊ. ಶಾಸಕ್ ಶ್ರೀ ಉಮಾನಾಥ್ ಕೋಟ್ಯಾನಾನ್ ಹೆಂ ಕಾರ್ಯೆಂ ಚಲವ್ನ್ ವ್ಹೆಲ್ಲ್ಯಾ ಐ.ಸಿ.ವೈ.ಯಂ. ಆನಿ ವೈ.ಸಿ.ಯಸ್. ಘಟಕಾಚ್ಯಾ ಸರ್ವ್ ಹುದ್ದೆದಾರಾಂಕ್ ಆನಿ ಸಾಂದ್ಯಾಂಕ್ ಶಾಬಾಸ್ಕಿ ಪಾಟಯ್ಲಿ. ಆಯ್ಚ್ಯಾ ದಿಸಾಚ್ಚ್ ಜಲ್ಮಾ ದೀಸ್ ಆಚಾರ್ಸುಂಚ್ಯಾ ಫಿರ್ಗಜ್ ವಿಗಾರ್ ಬಾಪ್ ಜೆಸುದಾಸ್ ಡಿಕೋಸ್ತಾಂಕ್ ಶುಭಾಶಯ್ ಪಾಟವ್ನ್ ಖೇಕ್ ಕಾತರ್ನ್ ಸಂಭ್ರಂಮ್ ಚಲಯ್ಲೊ. ಕಾರ್ಯಾ ಉಪ್ರಾಂತ್ ವಿಗಾರಾಂಚ್ಯಾ ಜಲ್ಮಾದಿಸಾ ತರ್ಪೆನ್ ಸರ್ವಾಂಕ್ ಗೊಡ್ಶೆಂ ವಾಂಟ್ಲೆಂ. ಐ.ಸಿ.ವೈ.ಯಂ. ಅಧ್ಯಕ್ಷಿಣ್ ಕು. ವೆಲೆಂಟಿನಾ ಮಿರಾಂದಾನ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಕಾರ್ಯದರ್ಶಿ ಕು. ಪ್ರಿನ್ಸಿಟಾ ದಾಂತಿಸಾನ್ ಧನ್ಯವಾದ್ ದಿಲೆಂ. ಕು. ಬೆನಿಟಾ ಮಿನೆಜಸಾನ್ ಕಾರ್ಯೆಂ ಚಲವ್ನ್ ವ್ಹೆಲೆಂ. ಕಾರ್ಯಾ ಉಪ್ರಾಂತ್ ಇಗರ್ಜೆಚ್ಯಾ ಮುಕ್ಲ್ಯಾನ್ ಮಾರ್ಗ ದೆಗೆನ್ ಝಡಾಂ ಲಾಂವ್ಚ್ಯಾ ಮುಖಾಂತ್ರ್ ಕಾರ್ಯಾಚಿ ಸೊಭಾಯ್ ಚಡಯ್ಲಿ. ಉಪ್ರಾಂತ್ ಫಿರ್ಗಜೆತ್ಲ್ಯಾ ಕುಟ್ಮಾಕ್ ಎಕಾ ಲೆಕಾನ್ ಝಡಾಂ ವಿತರಣ್ ಕೆಲಿಂ. ಐ.ಸಿ.ವೈ.ಯಂ. ಆನಿ ವೈ.ಸಿ.ಯಸ್. ಸಾಂದ್ಯಾನಿಂ ಮಾರ್ಗ ದೆಗೆನ್ ಇತರ್ ಕಡೆ ಝಡಾಂ ಲಾಯ್ಲಿಂ.

Photos: Preethi Menezes